Ando foro Šabac ađes nakhadapes lošanimaski ceremonija palo uladipe ćijengo thaj dinipe 70 hasnarimatengo ande 23 nevevazdine objekturja pala socijalno bešipe. Vazdipe katar kala saste lačharde thaj furjarde bešimašće thana pale familije save si čhutine tale maj dukhade amalimašće kupe nakhadi si andar program “Zurjavipe Evropaće unijako palo socijalno bešipe thaj aktivna inkluzija (EU SHAI).”
E bešimašće thana therdine manuša andar štar dikhade kupe forutnendar: rromani populacija, familije ande save si vareko e invaliditetova, manušnja save haćardine familijako zuralimasko bilačhipe thaj terne save inkljen andar sistemo socijalne lesamalimasko.
E ćije uladine: forosko angluno dr Aleksandar Pajić, e manušnji Delegacijatar EU ande Srbija Elvira Angulo Rodrigez, ministro pale manušikane thaj minoritane orturja thaj amalimasko dijalogo Tomislav Žigmanov, sekretari Ministerijumostar palo bućaripe, therdipe bućarimasko, marimašće thaj socijalne pučhimata Lav Pajkić, manuš anda Ministerijumo vazdimasko, dromardimasko thaj infrastrukturako, prezidento Nacionalne konsilestar rromane nacionalne minoritetorestar Dalibor Nakić thaj e manušnji andar butimašćeraštrendar kancelarijatar UNOPS Srbija Daliborka Kolar.
Pašo prezidento Nakić, pe ceremonija pale uladipe ćijengo neve bešimašće thanengo sas vi o Bajram Morina, generalno sekretari, Dragana Stanković, džipašerutno Konsilestar thaj koordinatoro pale rromane pučhimata Forostar Šabac, sar vi Danijela Tadić, membro Konsilestar.
EU palo program “Zurjavipe EU palo socijalni bešipe thaj aktivna inkluzija” ulada 27 milionurja evra, thaj vo, pašo foro Šabac, nakhavelpes ande dešuohto forurja thaj guverne ande Srbija.

RNS

See author's posts