ZURJAVIPPE VUČESIKAVNE THANENĐE ANDO NAKHAVIPE PROJEKTURJENGO PALE RROMA

Po Univerziteto “Educons” sikado si projekto talo alav “Kotora daradimatar arakhadimatar rromane populacijatar ande biašunimašće thana pe teritorija katar Autonomna Pokrajina Vojvodina”, savo fundurjenca učharel Pokrajinako sekretarijato palo vučo sikavipe thaj gođaverimaskorodimasko bućaripe.
Po sikadipe sas e membrurja Nacionalne konsilestar rromane nacionalne minoritetorestar Aleksandar Radulović prezidento gatisarimašće odborestar thaj Jelena Jovanović savi si vi dikhljardi ando Parlamento Vojvodinako, save dine pherdo zurjavipe kale projektošće. Majdur, sas vi e koordinatorja pale rromane pučhimata katar teritorija AP Vojvodinaći, andar kala thana: Stara Pazova, Ruma, Odžaci, Sombor, Bačka Palanka, Novi Bečej, Apatin, Bečej thaj Bački Petrovac, sar vi manušnji andar Kancelarija pala inkluzija e Rromenđi Anastasija Sulejmanović.
Ando alav Univerzitetosko Edukons sas Andrea Andrejević Panić, prorektoro palo gođaveripe thaj maškarthemutno khetanimasko bućaripe. Šerutno projektosko si prof. dr Slavica Denić, a membrurja katar projektno timo si prof. dr Samed Karović thaj prof. dr Siniša Domazet.
Kamipe projektosko sit e dićhelpes thaj te vazdelpes pučhipe palo haradipe tromalimasko rromane populacijako ande biašunimašće thana thaj trubulipe te dićhenpes thaj te lenpes trubulimašće mere palo kovlipe ačhadimasko daradimatar save šaj te inćaren bilačhe ačhadimata palo arakhadipe thaj sastipe rromane populacijako.

RNS

See author's posts